මාතර සිට බෙලිඅත්ත දක්වා වූ දුම්රිය මාර්ගය වැඩ ආරම්භ කරන ලද්දේ එක්සත් ජාතික පක්‍ෂ ආණ්ඩු කාලයේ විජයපාල මෙන්ඩිස් ප‍්‍රවාහන ඇමති විසින් බව මුදල් ඇමති මංගල සමරවීර මහතා පවසයි.
රාජපක්‍ෂ පාලන සමයේ වසර 10ක කාලයක් ඉදිකිරීම් නවතා දමා තිබූ එම දුම්රිය මාර්ගය නැවතත් 2015 වසරේදී තම ආණ්ඩු යුගයේ වැඩ ආරම්භ කර අවසන් කරන ලද බවත් ඒ මහතා කියයි.
සෑම වැඩකටම නාම දාගන්න දගලන පුද්ගලයා එම දුම්රිය මාර්ගයදට තම නම දා ගැනීමට උත්සාහ කරන බවත් ඇමති සමරවීර මහතා කියා සිටී.
මාතර බෙලිඅත්ත දුම්රිය මාර්ගය ඊයේ දිනයේ පරික්‍ෂණ චාරිකාව අතරතුර ඇති වූ උණුසුම් තත්වය ගන අදහස් පල කරමින් ඔහු මේ බව පැවසීය.