Colombo Today Local News

නිරෝධායනයට අකැමැති වී කලහකාරී ලෙස හැසිරු‌ණොත් මාස 6ක සිරදඬුවම්

විදේශ රටවල සිට මෙරටට පැමිණෙන ශ්‍රී ලාංකිකයන් නිරෝධායන මධ්‍යස්ථාන කරා නොගොස් කලහකාරී ලෙස හැසිරෙන්නේ නම් මාස 6ක කාලයකට සිරගත කිරීමට හැකියාව පවතින බව පොලිස් මාධ්‍ය ප්‍රකාශක පොලිස් අධිකාරි ජාලිය සේනාරත්න පැවැසීය.

තවද මෙම කාල සීමාව තුළ නම් කරන ලද රටවලින් මෙරටට පැමිණෙන පුද්ගලයන් නිරෝධායනයට ලක්වීමට අකැමැත්තක් දක්වන්නේ නම් ඔවුන් නැවත පැමිණි රටවලට පිටත් කිරීමට පියවර ගන්නා බවද යුද හමුදා මාධ්‍ය අධ්‍යක්ෂ බ්‍රිගේඩියර් චන්දන වික්‍රමසිංහ සඳහන් කළේය.

මාධ්‍ය ප්‍රකාශකවරුන් දෙදෙනා මේ බව ප්‍රකාශ කරන ලද්දේ ඊ​යේ (11 වැනිදා) ආරක්ෂක මාධ්‍ය මධ්‍යස්ථානයේ පැවැති කොරෝනා වෛරසය පැතිර යාම පිළිබඳව දැනුවත් කිරීමේ මාධ්‍ය හමුවේදීය.

කලහකාරී ලෙස හැසිරෙන පුද්ගලයකුට එරෙහිව මහෙස්ත්‍රාත් අධිකරණයේ නඩු පැවැරිය හැකි බවත් එහිදී වරදකරු වුවහොත් මාස 6ක සිරදඬුවමක් විඳීමට සිදුවන බවද පොලිස් මාධ්‍ය ප්‍රකාශකවරයා මෙහිදී සඳහන් කළේය.

එසේම රුපියල් දෙදහසේ සිට රුපියල් දසදහසක් දක්වා දඩ මුදලකට යටත් විය හැකි බවද පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි ජාලිය සේනාරත්න පැවැසීය.

තවද 1897 අංක 3 දරන රෝග නිරෝධායනය වැළැක්වීමේ ආඥා පනතට අනුව අමාත්‍යවරයාට රෙගුලාසි පැනවීමට හැකියාවක් පවතියි.

පොලිස් මාධ්‍ය ප්‍රකාශකවරයා සඳහන් කළේ මෙවැනි නීතිවලට අනුගත නොවන පුද්ගලයන් රටේ සියලු ජනතාව සහ සෞඛ්‍ය අංශ අවදානමකට ලක් කරන බවයි.

මෙම මාධ්‍ය හමුවේදී යුද හමුදා මාධ්‍ය අධ්‍යක්ෂ බ්‍රිගේඩියර් චන්දන වික්‍රමසිංහ ද අදහස් දැක්වීය.

බ්‍රිගේඩියර් චන්දන වික්‍රමසිංහ සඳහන් කළේ මෙරටට පැමිණෙන සියලු ශ්‍රී ලාංකිකයන් සහ විදේශිකයන් ගුවන් තොටුපොළට පැමිණිමේදී විශේෂ පරීක්ෂාවකට ලක්කරන බවයි.

එසේම ශ්‍රී ලංකා ගුවන් හමුදාව මගින් මෙම මගීන් විෂබීජහරණය කිරීමෙන් පසු නිරෝධායනය ස්ථාන කරා රැගෙන යන බවත් ජනතාව අවම ප්‍රදේශ වන පූනානි සහ කන්දකාඩු යන ප්‍රදේශවල මෙම නිරෝධායන කටයුතු සිදුකරන බවද බ්‍රිගේඩියවරයා පැවැසීය.

Related posts

අපේ ජනාධිපතිතුමා මිලියන බිලියන ට්‍රිලියන අඳුරන්නේ නැ. නවකතාකාරයෙක් වුණා නම් මීට වඩා හොඳයි. – හිටපු ජනපති

colombotoday

ඉරිදා උදේ 10ට දිවුරුම් දෙන්න එන්න – ජනපති රනිල්ට කියයි

colombotoday

කහටගස්දිගිලිය අඩවි වන කාර්යාලයේ වන ව්‍යාප්ති නිලධාරීයෙක් අල්ලස් දැලේ

colombotoday

නිවසක් ගිනිගෙන මවක් සහ දියණියක් අවසන් ගමන් යයි

colombotoday

ප්‍රංශයෙන් ඉහළම සම්මානය දිනා සතියයි… අත්තනගල්ලේදී චන්ද්‍රිකාට හූ කියයි…

colombotoday

ඩිෆෙන්ඩර් නඩුවට ගිය හිරුණිකාට ඇප.. විමල්ගේ අයියා යළි රිමාන්ඩ්

colombotoday