Colombo Today Local News

ආණ්ඩුවේ දූෂණ හොයන්න, විජයදාසගෙන් අල්ලස් කොමිසමට පැමිණිල්ලක්

වත්මන් රජය යටතේ සිදුව ඇති වංචා දූෂණ රැසක් සම්බන්ධයෙන් අල්ලස් හෝ දූෂණ පිළිබඳ විමර්ශන කොමිසමට සහ  ආණ්ඩුවේ  දූෂණ හොයන්න ජනාධිපතිවරයා  පත් කළ කොමිසමටත් අද (28) දිනයේදී පැමිණිලි ඉදිරිපත් කළ බව පාර්ලිමේන්තු මන්ත‍්‍රී ආචාර්ය විජයදාස රාජපක්ෂ මහතා පැවැසීය.

එම පැමිණිලි සම්බන්ධයෙන් මාස දෙකක් තුළ විමර්ශන පවත්වා අවසන්  නොකළහොත් අල්ලස් හෝ දූෂණ පිළිබඳ විමර්ශන කොමිසමට එරෙහිව  රිට් ආඥාවක්  ලබා ගැනීමට කටයුතු කරන බවද මන්ත‍්‍රීවරයා සඳහන් කළේය.

කොළඹ පදනම් ආයතනයේදී අද (28) මාධ්‍ය හමුවක් පවත්වමින් ඔහු මේ බව පැවැසීය.

මහපොළ භාරකාර අරමුදලින් රුපියල් බිලියන 28ක අලාභයකුත් , නිල ඇදුම් වවුචර මගින් රුපියල් මිලියන 500කට අධික පාඩුවකුත් , සුරක්ෂා රක්ෂණය මගින් රුපියල් මිලියන 2000කට අධික පාඩුවකුත් සිදුව ඇතැයි සඳහන් කරමින් ඔහු මෙම පැමිණිලි ඉදිරිපත් කර ඇත.

මෙයට අමතරව පෙලපොත් මුද්‍රණයේදී සිදුව ඇති අක‍්‍රමිකතා ඇතුලු තවත් දූෂණ සහ අක‍්‍රමිකතා කිහිපයක් සම්බන්ධයෙන්ද තමන් අල්ලස් හෝ දූෂණ පිළිබඳ විමර්ශන කොමිසමටත්,  වත්මන් ආණ්ඩුවේ  දූෂණ හොයන්න ජනාධිපතිවරයා පත් කළ කොමිසමටත් පැමිණිලි කළ බවද විජයදාස රාජපක්ෂ මහතා පැවැසීය.

Related posts

ගම්මන්පිලගේ 22 වන ආණ්ඩුක්‍රම ව්‍යවස්ථා සංශෝධනය පාර්ලිමේන්තුවට

Admin

වාසුදේව මරාගෙන මැරෙන සටනක් අරඹයි !

colombotoday

යාපනයේ නිවසකට පෙට්‍රල් බෝම්බ ප්‍රහාරයක්

Admin

ජුලියන් බෝලින් හා ජොනතන් මාටින්ස්ටයින් CID යට

colombotoday

දකුණු ආසියාවේ හොඳම දූෂණ විරෝධී පනත ශ්‍රී ලංකාවට

Admin

“ආණ්ඩුව අමාරුවේ වැටුණේ මේ මිනිහා නිසයි” – රාජිත අගමැති ඉදිරියේ අධිකරණ ඇමතිට බැණවදී

colombotoday