හෙරොයින් ජාවාරමේ නිරත වූ ගුවන් හමුදා සෙබලුන් දෙදෙනෙකු සහ කාන්තාවක් පාදුක්ක පොලීසිය විසින් අත්අඩංගුවට ගෙන තිබේ.
පාදුක්ක පොලීසියට ලැබුණු තොරතුරකට අනුව සිදුකළ වැටලීම් තුනක දී මෙම සැකකරුවන් අත්අඩංගුවට ගෙන ඇති බව පොලිස් මාධ්‍ය කොට්ඨාසය සඳහන් කළේය.
පාදුක්ක නගරයේ දී සැකකරුවන් දෙදෙනෙකු සහ අකුරැස්ස ප්‍රදේශයේ දී සැකකාරිය අත්අඩංගුවට ගෙන තිබේ.
අත්අඩංගුවට ගත් සැකකරුවන් සතුව තිබී හෙරොයින් ග්‍රෑම් 390ක් සොයාගත් බව පොලීසිය සඳහන් කළේය.
අත්අඩංගුවට ගත් සැකකරුවන් දෙදෙනා වයස අවුරුදු 28 ක් වු වැල්ලවාය හා තලංගම ප්‍රදේශයේ පදිංචිකරුවන් වන අතර, කාන්තාව වයස අවුරුදු 43ක් වු අකුරැස්ස ප්‍රදේශයේ පදිංචිකාරියකි.