හෙරොයින් ඇතුළු මත්ද්‍රව්‍ය ළඟ තබාගත් පුද්ගලයෙකු ගන්දර දෙවිනුවර ප්‍රදේශයේ දී අත්අඩංගුවට ගෙන තිබේ.
ඊයේ (15)දින ගන්දර පොලිස් ස්ථානයේ නිලධාරීන්ට ලද තොරතුරක් මත මෙම වැටලීම සිදුකර ඇති අතර එහිදී හෙරොයින් ග්‍රෑම් 01යි මිලිග්‍රෑම් 50ක්, හෂීස් ග්‍රෑම් 15ක්, ගංජා ග්‍රෑම් 85ක්, මත්පෙති 15ක් සමග මෙම සැකකරුවෙකු අත්අඩංගුවට ගෙන තිබේ.
සැකකරු වයස අවුරුදු 23ක් වු තංගල්ල පාර, දෙවිනුවර ප්‍රදේශයේ පදිංචිකරුවෙක් බව පොලීසිය පැවසීය.
ඔහු අද (16)දින මාතර මහේස්ත්‍රාත් අධිකරණයට ඉදිරිපත් කිරීමට නියමිතය.