සිරියාවේ හෝම්ස් නගරයේ පිහිටි ආරක්ෂක මධ්‍යස්ථාන දෙකක් ඉලක්ක කර ගනිමින් සිදු කරන ලද මරාගෙන මැරෙන ප්‍රහාරය හේතුවෙන් පුද්ගලයන් 42 මියගොස් ඇති අතර තවත් පුද්ගලයන් 24 දෙනකු තුවාල ලබා තිබේ.
සිරියාවේ රජයේ රූපවාහිනි සේවය වාර්තා කරන ආකාරයට ප්‍රහාරය සඳහා මරාගෙන මැරෙන බෝම්බකරුවන් හය දෙනකු සහභාගි වී ඇත.
මියගිය පුද්ගලයන් අතර සිරියානු බුද්ධි අංශ ප්‍රධානියා වන ජෙනරාල් හසන් දාබූල් (Hassan Daabool) ද සිටින බව වාර්තා වේ.
මෙය සිරියාව පවත්වන සාම සාකච්ඡා ක්‍රියාවලියට ප්‍රබල පහරක් වී ඇතැයිද වාර්තා පෙන්වා දෙයි.
