Colombo Today Local News

මධූෂ් ඇතුළු පිරිස ඩුබායි රටේම සිරකර තැබීම නුවණට හුරුයි…

පාතාලයේ ප‍්‍රබලයකු බව කියන මධුෂ් අත්අඩංගුවට ගැනීමට මුල්වූ පොලිස් විශේෂ කාර්ය බළකායට සම්පූර්ණ ගෞරවය අනිවාර්යයෙන්ම හිමිවන අතර ඩුබායි රටේ රඳවාගෙන සිටින මධුෂ් ඇතුළු සැකකරුවන් එම රටේම සිරකර තැබීම නුවණට හුරු බව යුද හමුදාපති ලූතිනන් ජෙනරාල් මහේෂ් සේනානායක ඊයේ (10 දා) ප‍්‍රකාශ කළේය.

මෙම සැකකරුවන් ශ‍්‍රී ලංකාවට ගෙන්වනු ලැබුවහොත් විවිධ උපාය මාර්ග සහ උපක‍්‍රම යොදාගෙන හිරෙන් පැන යෑමට පවා ඉඩ තිබෙන බව පැවසූ හමුදාපතිවරයා පාතාලය මැඬලීම සඳහා ජනාධිපතිවරයාගේ මැදිහත්වීම අගය කරන බවද කීය.

මෑතකදී බුරුතු පිටින් පාතාලය සහ මත්ද්‍රව්‍ය අත්අඩංගුවට ගැනීමට හැකිවී ඇත්තේ පොලිස් විශේෂ කාර්ය බළකායේ දැඩි උනන්දුව සහ කැපවීම මත යැයිද එම බළකායේ අණදෙන නිලධාරී ලතීෆ් මහතාගේ සේවය දීර්ඝ කිරීම ඉතා වැදගත් යැයිද හෙතෙම සඳහන් කළේය.

යුද්ධ හමුදාව සමග බුද්ධි තොරතුරු බෙදාගෙන මෙම වැටලීම් කිරීමට පොලිස් විශේෂ කාර්ය බළකාය දිරිමත් කරන අතර මේ සඳහා වැටලීම් ඒකකය දිරිගැන්වීමට ජනාධිපති මෛත‍්‍රිපාල සිරිසේන මහතා මුල්වී තිබෙන බවද හමුදාපතිවරයා කීවේය.


Related posts

විපක්ෂ නායක මහින්ද දරුවන් සමග පාසල් යයි !!

colombotoday

ගෝඨාබය ජනාධිපති අපේක්ෂකයා ලෙස 11 වනදා නම් කළහොත්, ශ්‍රිනිපයෙන් මෛත්‍රී ජනපති සටනට ඒම ස්ථිරයි

colombotoday

මිලියන 220ක රත්‍රං සමග සනීපාරක්ෂක සේවකයෙකු අත්අඩංගුවට

colombotoday

MCC ගිවිසුමට අනුමැතිය දුන්නේ නැහැ- නීතිපති

colombotoday

දේශීය මත්පැන් වලටත් ආරක්ෂිත ලේබලයක්

colombotoday

දෙමලෙන් ජාතික ගීය ඇහෙන වාරයක් පාසා අපේ ඡන්ද පනස් දාහක් විතර කැඩුනා – තිලක් මාරපන

colombotoday