ඇවන්ගාඩ් සිද්ධිය පිළිබඳව තමා කළ ප්‍රකාශය සම්පූර්ණයෙන් ම සත්‍ය බවත්, ඒ පිළිබඳව ඇතැම් පුද්ගලයන් සහ සංවිධානයන් තමාට එරෙහිව කරන ප්‍රකාශවලට තමා කිසිසේත් බිය නොවන බවත්, නීතිය හා සාමය පිළිබඳ ඇමැති තිලක්‌ මාරපන මහතා ප්‍රකාශ කරයි.
මාධ්‍යවලින් වැඩි ප්‍රචාරයක්‌ ලබා ගැනීමේ අදහසින් ඔවුන් තමා පිළිබඳව විවිධ මත ප්‍රසිද්ධ කරන අතර එම පුද්ගලයන් කවුදැයි රටේ ජනතාව හොඳ අවබෝධයෙන් සිටින බව ද හෙතෙම පැවැසීය.
“මට පුදුම අපේම කීපදෙනෙකුත් මෙය ඇත්තක්‌ දැයි කියා මගෙන් විමසීමයි. මෙවැනි බූරු ප්‍රශ්න පිළිබඳව තවදුරටත් කතා නොකරන ලෙස ඔවුන්ගෙන් මා ඉල්ලා සිටිනවා. යැයිද ඇමතිවරයා වැඩිදුරටත් පැවසීය.
ඇවන්ගාඩ් පිළිබඳව මා කළ ප්‍රකාශය සම්පූර්ණ ඇත්තයි. පිටරට කොම්පැනි 50 – 60 ක පමණ බඩු මෙම නැවේ තිබෙනවා. මෙහි තිබූ අවි ආයුධවලට ශ්‍රී ලංකා රජය මගින් බලපත්‍ර දෙන්න ඕනෑ නැහැ. ඒවාට බලපත්‍ර දෙන්නේ අදාළ වෙනත් රටවල්. ඔවුන්ගේ නැව්වල ආරක්ෂාව සඳහා මෙම ආයුධ රැගෙන යනවා. පසුව ඔවුන් ඒවා රිටන් කරනවා. අපේ සමහරු මේවා මුකුත් නොදැන විවිධ කතා ගොතනවා. ඒ මගින් ඔවුන් ප්‍රසිද්ධියක්‌ ගන්න හදනවා යැයිද ඇමතිවරයා පැවසීය.
– දිවයින