කුරුණෑගල ශික්ෂණ රෝහලේ රුධිර කාන්දුකරණ ඒකකයේ උද්ගතව ඇති තත්ත්වය පිළිබඳ සොයා බැලීම සඳහා අද (26) දිනයෙත් කණ්ඩායමක් එම රෝහල වෙත යොමුකර ඇතැයි සෞඛ්‍ය අමාත්‍යාංශය පවසයි.
එම අමාත්‍යාංශය පැවසුවේ, දැනට රුධිර කාන්දුකරණය සඳහා පැමිණෙන වකුගඩු රෝගීන්, කුරුණෑගල දිස්ත්‍රික්කයේම පිහිටි කුලියාපිටිය, දඹදෙනිය, පොල්පිතිගම සහ නිකවැරටිය රෝහල් වෙත යොමු කෙරෙන බවයි.
මේ අතර, එම ඒකකයේ ප්‍රතිකාර ලැබූ රොගීන් කිහිපදෙනෙකු මියගොස් ඇතැයි කියන සිද්ධිය සම්බන්ධයෙන්, විමර්ශන සඳහා වසංගත රෝග විද්‍යා ඒකකයේ අධ්‍යක්ෂවරයාගේ ප්‍රධානත්වයෙන් කමිටුවක්ද පත්කරනු ලැබුවේ ය.
ඊට රුධිර කාන්දුකරණය පිළිබඳ විශේෂඥ වෛද්‍යවරයෙක්, වෛරස් රෝග පිළිබඳ විශේෂඥ වෛද්‍යවරයෙක් හා රුධිර රෝග පිළිබඳ විශේෂඥ වෛද්‍යවරයෙක් ද ඇතුළත් ය.
රුධිර කාන්දුකරණ ඒකකය මේ වනවිට තාවකාලිකව වසා දමා ඇත්තේ ආරක්ෂිත පියවරක් ලෙසයි.