Covid 19 වෛරසය ආසාදනය වීමේ සිදුවීම් තනි ඉලක්කම් දක්වා පහත වැටීම හේතුවෙන් අඟහරුවාදා සිට ගෘහස්ථව මුහුණු ආවරණ පැළඳීමේ නීති අහෝසි කිරීමට ඊශ්‍රායලය ක්‍රියා කර ඇත.
සුපිරි වෙළඳසැල් සහ බැංකු වැනි සංවෘත අවකාශයන්හි පුරවැසියන්ට මුහුණු ආවරණ පැලඳීමට අවශ්‍ය නැත. එළිමහනේ මුහුණු ආවරණ පැළඳීම පිළිබඳ නීති දැනටමත් ඉවත් කර ඇත.
මීට ඉහතදී හඳුන්වා දී තිබු බාර්, අවන්හල් සහ සංස්කෘතික ස්ථානවලට ඇතුළුවීමට ඉඩ සලසා දුන් Green pass ක්‍රමය ජුනි 1 වන දින අත්හැර දමන ලදී.
එහි අර්ථය වන්නේ පසුගිය දෙසතිය තුළ ඊශ්‍රායලය මංගල උත්සව, සිනමා චාරිකා සහ ප්‍රසංග සඳහා අසීමිත ප්‍රවේශයක් භුක්ති විඳ ඇති බවයි.
අද වන විට, ඊශ්‍රායල් වැසියන්ගෙන් සියයට 60 ක් පමණ සම්පූර්ණයෙන්ම එන්නත ලබාගෙන ඇත. ඒ වයස අවුරුදු 50 ට වැඩි 90% ක් ද ඇතුළුව ය.
කෙසේ වෙතත්, රටින් පිටවීම සහ ඇතුළුවීම සම්බන්ධයෙන් දැඩි සීමාවන් පවතියි.