එළවළු මිල අධික ලෙස ඉහළ යැමත් සමඟම පාරිභෝගිකයන් එළවළු ග්‍රෑම් 100 ග්‍රෑම් 50 හා ග්‍රෑම් 25 මිලදී ගැනීමට හුරුවී ඇත.
බොහෝ වෙළෙඳුන් ළඟ ග්‍රෑම් 50 හා ග්‍රෑම් 25 මිනුම් උපකරණ (පඩි) නොමැතිවීම නිසා අතමිට මොලවා ග්‍රෑම් 50 ක් ග්‍රෑම් 25 යනුවෙන් එළවළු හිතේ බරට කිරා පාරිභෝගිකයන්ට දීමට පුරුදුවී ඇත. මේ දිනවල වට්‌ටක්‌කා පමණක්‌ ග්‍රෑම් 500 බැගින් මිලදී ගැනීමට පෙලඹී ඇති අතර බෝංචි, මෑ, බණ්‌ඩක්‌කා, කැරට්‌, ලීක්‌ස්‌ වැනි එළවළු ග්‍රෑම් 500 බැගින් ගෙන යන්නේ අතමිට සරු සහ වාහනවලින් එන අය පමණක්‌ බව එළවළු වෙළෙන්දොa පවසති. සාමාන්‍ය මහජනයා එළවළු වෙළෙඳ සල්වලට ගොඩවී අමු මිරිස්‌ දෙහි වැනි ද්‍රව්‍ය වල මිල විමසීමත් සමඟම මහත්තයෝ නෝනා අමු මිරිස්‌වල දෙහිවල මිල අහන්න එපා ඒවා ගන්න නෝනලා මහත්තයලා තව ටික කලක්‌ ඉන්න යෑයි පවසන අයුරුද අසන්නට ලැබේ.
-Divaina