මහරගම ඇරැව්වල ධර්මපාල විදුහල් ක්‍රීඩාංගණයේදී 17 හැවිරිදි පාසල් සිසුවෙකුට පපුවට වායු රයිෆලයකින් වෙඩි තබා තුවාල සිදු කිරීමේ සිද්ධියකට වෛද්‍යවරයෙකු අත්අඩංගුවට ගත් බව මහරගම පොලිසිය කියයි.
තුවාල ලද සිසුවා කළුබෝවිල ශික්ෂණ රෝහලට ඇතුළත් කර ඇත.
තුවාල ලද සිසුවා මිතුරන් කිහිපදෙනකු සමග ඊයේ (22)දින සවස ධර්මපාල ක්‍රීඩාංගනයේ ක්‍රිකට් සෙල්ලම් කරමින් සිට ඇති අතර බෝලය සැකකරුගේ වත්තට ගියා යැයි උරණව මෙම වෙඩි ප්‍රහාරය එල්ල කර ඇතැයි පොලිසිය කියයි.
අත්අඩංගුවට ගත් සැකකාර වෛද්‍යවරයා මහරගම පිළිකා රෝහලට අනුයුක්ත අයෙකි.