අද වන විට රට පුරා කොරෝනා වසංගතය පැතිරී ගොස් ඇති බවත් එසේ රටම අනාරක්ෂිත වීමට වත්මන් ආණ්ඩුව වගකිව යුතු බව එක්සත් ජාතික පක්ෂයේ මහා ලේකම් අකිල විරාජ් කාරියවසම් මහතා සඳහන් කරයි.
කොරෝනා වසංගතය රටපුරා උඩු දුවා ඇති බවත් අද රට පුරා තැනින් තැන කොරෝනා රෝගීන් මතුවන බවත් පැවසූ ඔහු වත්මන් ආණ්ඩුවේ නායකයන් එහි සම්පූර්ණ වගකීම භාරගත යුතු බවද කියා සිටියේය.
රටම අවධානම් සහගත තත්ත්වයට පත් වෙමින් තිබියදී රජය මේ ගැන වගකීම් සහගත පැහැදිලි ප්‍රකාශයක් සිදු කර නැති බවත් සෞඛ්‍ය ඇමැතිවරියද කෙටි උත්තර දී මග හරින බවද ඔහු පැවසීය.
අද වන විට සෞඛ්‍ය අංශ වල ප්රධානීන්ට මාධ්‍ය සාකච්ඡා තහනම් කර ඇති බවට දැනගන්නට ඇති බවත් ජනතාවට සත්‍ය දැන ගැනීමේ අයිතිය ද මේ ආකාරයේ සම්බාධක දැමීම අනුමත කළ නොහැකි බවත් ඔහු කියා සිටියේය.
කොළඹදී පැවති මාධ්‍ය හමුවක් අමතමින් මහලේකම්වරයා මෙම අදහස් පල කළේය.