තිරිගු පිටි මිල රුපියල් 8 කින් වැඩි කිරීමට සූදානම් වීම නිසා තිරිගු පිටි හිගයක් ඇතිවී තිබෙන බව මාධ්‍ය නිවේදනයක් නිකුත් කරමින් පාරිභෝගික අයිතිවාසිකම් සුරැකීමේ ජාතික ව්‍යාපාරයේ සභාපති රංජිත් විතානගේ මහතා පවසනවා.
ඒ මහතා නිකුත්කර ඇති මාධ්‍ය නිවේදනය….
පාරිභෝගික කටයුතු අධිකාරියේ නිසි අවසරයකින් තොරව නැවත වතාවක් තිරිගුපිටි මිල රුපියල් 8 කින් වැඩි කිරීමට සමාගම් කටයුතු කරමින් සිටින බවට අප සංවිධානය වෙත වාර්තා වී ඇත. ඉතාම සූක්ෂම ලෙස හොර රහසේ මෙසේ තිරිගු පිටි මිල වැඩි කීරීමට කටයුතු කිරීම නිසා මේ වන විට දිවයින පුරා තිරිගු පිටි හිගයක් ඇති වී තිබේ. පිටි බෙදා හරිනු ලබන අලෙවි නියෝජිතයින්ගේ පරිඝණක ජාල මේවන විට අක්‍රීය කර ඇති නිසා තොග වෙළදුන්ට තිරිගු පිටි ඇනවුම් කිරීමට නොහැකි වී ඇති බවද අප කල සොයා බැලීමකදී තහවුරු විය.
කෙසේ වෙතත් පවතින නීති අනුව තිරිගු පිටි කිලෝ එකක් අලෙවි කල හැක්කේ රුපියල් 87 ක මිලකට වන අතර එම මිලට වඩා වැඩි මිලකට අලෙවි කරනු ලබන කඩහිමියන් හට නීතිය ක්‍රියාත්මක කරන ලෙස පාරිභෝගික අධිකාරියෙන් ඉල්ලා සිටිමු.
ස්තුතියි
මෙයට විශ්වාසී,
රංජිත් විතානගේ- සභාපති – පාරිභෝගික අයිතීන් සුරකීමේ ජාතික ව්‍යාපාරය