Colombo Today Local News

සජිත්,රවී,නවීන්,අකිල,ගයන්ත,හරීන්,හලීම්,මනෝ වත්කම් සහ බැරකම් ප‍්‍රකාශයට පත් කර නෑ – අල්ලස් කොමිසමට පැමිණිල්ලක්

වත්කම් සහ බැරකම් ප‍්‍රකාශයට පත් නොකළ කැබිනට් ඇමැතිවරුන් අට දෙනකුට එරෙහිව ට‍්‍රාන්ස්පේරන්සි ඉන්ටර්නැෂනල් ආයතනය විසින් ඊයේ (10) අල්ලස් හෝ දූෂණ චෝදනා කොමිසමට පැමිණිලි කර ඇත.

2018/19 වර්ෂයට අදාළව සිය වත්කම් බැරකම් ප‍්‍රකාශයට පත් නොකළ බවට දැක්වෙන තොරතුරු දැන ගැනීමේ ඉල්ලූම්පතෙහි කරුණු උපුටා දක්වමින් ට‍්‍රාන්ස්පේරන්සි ඉන්ටර්නැෂනල් ආයතනය අදාළ පැමිණිල්ල ඉදිරිපත් කර තිබේ.

සජිත් පේ‍්‍රමදාස, රවි කරුණානායක, නවීන් දිසානායක, අකිල විරාජ් කාරියවසම්, ගයන්ත කරුණාතිලක, හරීන් ප‍්‍රනාන්දු, මනෝ ගනේෂන් සහ එම්. එච්. එම්. හලීම් යන කැබිනට් ඇමැතිවරුන් මෙසේ සිය වත්කම් බැරකම් ඉදිරිපත් නොකළ කැබිනට් ඇමැතිවරුන් බව ට‍්‍රාන්ස්පේරන්සි ඉන්ටර්නැෂනල් ආයතනයේ විධායක අධ්‍යක්ෂ අසෝක ඔබේසේකර මහතා පැවසීය.

වත්කම් හා බැරකම් ප‍්‍රකාශන නීතියෙහි 4 (එ්* (11) කොටසට අනුකූලව සියලූම කැබිනට් ඇමැතිවරුන් ඔවුන්ගේ වත්කම් හා බැරකම් ප‍්‍රකාශන ජනාධිපති ලේකම් කාර්යාලය වෙත ලබාදිය යුතුය. ට‍්‍රාන්ස්පේරන්සි ඉන්ටර්නැෂනල් ආයතනය විසින් 2019 අගෝස්තු 28 වැනිදා ඉදිරිපත් කළ ආර්ටීඅයි ඉල්ලූම්පත‍්‍රයට ප‍්‍රතිචාර දක්වමින් 2019 අගෝස්තු 20 දා වන විට කැබිනට් ඇමැතිවරුන් අට දෙනකු තම වත්කම් හා බැරකම් ප‍්‍රකාශන ඉදිරිපත් කර නැති බවට ජනාධිපති ලේකම් කාර්යාලය විසින් දන්වා තිබේ.

මේ අනුව වත්කම් හා බැරකම් ප‍්‍රකාශයට පත් නොකිරීමේ වරදට රුපියල් දහසක් නොඉක්මවන දඩයක් හෝ වසරක සිර දඬුවමකට ලක් කිරීමේ හැකියාව ඇති බව ද, පැමිණිල්ල සැලකිල්ලට ගෙන නිසි පියවර ගන්නා ලෙසට අල්ලස් කොමිසමෙන් ඉල්ලීමක් කරන බව ද හෙතෙම කීවේය.

තම වත්කම් ප‍්‍රකාශයට පත් නොකළ කැබිනට් නොවන, රාජ්‍ය සහ නියෝජ්‍ය ඇමැතිවරුන් සහ පාර්ලිමේන්තු නියෝජිතයන් හ`දුනා ගැනීමට මේ හා සමානව තොරතුරු ජනාධිපති ලේකම් කාර්යාලයෙන් සහ කථානායක කාර්යාලයෙන් ඉල්ලා ඇති බව ද එම තොරතුරු ලද වහාම අදාළ ක‍්‍රියාමාර්ග ගන්නා බවද අසෝක ඔබේසේකර මහතා සදහන් කළේය.

Related posts

‘දිවි පරදුවට තබා රට රැක්ක අපි අද හිරගෙදර’ සිරගතකළ රටට නිදහස් දුන් රණවිරුවෝ කියන අනුවේදනීය කතාව

colombotoday

අගමැති සහ මහබැංකු අධිපති සිංගප්පූරු යයි

colombotoday

ජනාධිපති කොමිෂන් සභා නිර්දේශ ගැන හොයන්න’යි නීතිඥවරු සිව්දෙනෙකුගෙන් අගවිනිසුරුට ලිඛිතව පැමිණිල්ලක්

colombotoday

“ඩයස්පොරා තහනම ඉවත් කරලා, සංහිදියාව වෙනුවෙන් වැඩ ගොඩක් කරලා.. ඒත් මානව හිමිකමුත් කඩලා” ඇමරිකාවෙන් වාර්තාවක් එයි

colombotoday

කොවිෂීල්ඩ් එන්නතේ මාත්‍රා ලක්ෂ 5ක් දිවයිනට

colombotoday

අත්අඩංගුවට ගත් අක්මීමන දයාරතන හිමියන් රක්ෂිත බන්ධනාගාරයට..

colombotoday