Colombo Today Local News

‘ආවා’ කල්ලියෙන් පෙට්‍රල් බෝම්බ ප්‍රහාරයක්! නිවාස සහ වාහනවලට හානි!

යාපනයේ ක්‍රියාත්මක ආවා කල්ලිය විසින් ඊයේ (19 දා) උදෑසන යාපනයේ කොකුවිල් කරුවාප්පුලම් ප‍්‍රදේශයේ නිවාස දෙකකට එල්ල කළ පෙට‍්‍රල් බෝම්බ ප‍්‍රහාරයකින් එම නිවාස දෙකට හා වාහන තුනකට අලාභ හානි සිදුව තිබේ.

මෙම ප‍්‍රහාරයෙන් නිවෙස් දෙකේම ජනෙල් හා දොරවල්වලට අලාභ හානි සිදුව ඇති අතර එක් නිවසක ඉදිරිපස නවතා තිබූ වෑන් රථයකට හා යතුරුපැදියකට ද අනෙක් නිවසේ තිබූ යතුරු පැදියටකද හානි සිදුව තිබේ.

බෝම්බ ප‍්‍රහාරය නිසා එම වාහන ගිනි ගෙන දැවී ගොස් ඇති අතර මෙම බෝම්බ ප‍්‍රහාරය සඳහා යතුරුපැදිවලින් අට දෙනෙකු පැමිණ ඇති බවට කොකුවිල් පොලිසියට තොරතුර ලැබී ඇත.

මෙම ප‍්‍රහාරයෙන් එක් නිවසක කොටසක් ගිනිගත් අවස්ථාවේදී යාපනයේ ගිනි නිවන ඒකකයේ පිරිසක් පැමිණ එම ගින්න නිවා දමා තිබේ. යාපනයේ කොකුවිල් පොලිසිය සිද්ධිය පිළිබඳව පරීක්‍ෂණ පවත්වා ගෙන යයි.

පසුගිය දා රූපවාහිනි නාළිකා දෙකක සජීවී වැඩසටහන් සඳහා සම්බන්ධ වූ ආවා කල්ලියේ සාමාජිකයකු ලෙස හඳුන්වා ගත් අරුන් සිද්ධාර්ථන් ප්‍රකාශ කළේ ආවා නමින් කල්ලියක් උතුරේ නැති බවත් එය ඇතැම් දේශපාලකයන්ගේ නිර්මාණයක් බවය.

Related posts

“ආණ්ඩුවේ ගමන් මග මනින්න වසර දෙකක් වැඩිත් එක්ක.. රට යන්නේ විනාශයටයි“ – ජවිපෙ

colombotoday

අගමැති රනිල් ජාත්‍යන්තර යෝගා දිනය සමරයි

colombotoday

රාජිතගේ විදෙස් ගමන් තහනම් කරයි

colombotoday

දක්ෂිණ අධිවේගයේ ටැංකි රථයක් කරනම් ගහයි

Admin

ආනයනික ඖෂධ වරායෙන් නිදහස් කර ගන්න නව කමිටුවක්

Admin

කැසිනෝ ප්‍රවර්ධනයට සනී ලියොන් එනවා, ගණිකා වෘත්තිය නීතිගත කරන්න ඉල්ලනවා, සමලිංගිකයන් ලියුම් ලියනවා, හිමියනි රතන වනගත වුණිද ඔබ (Video)

colombotoday