![](https://colombotoday.com/wp-content/uploads/2019/01/prmanath-c-dolawatte.gif)
සිර දඬුවම් ලබා සිටින ගලගොඩඅත්තේ ඥානසාර හිමියන්ට පෙබරවාරි 04 වැනිදාට යෙදෙන ජාතික දිනයේදී ජනාධිපති මෛත්රිපාල සිරිසේන මහතාගේ අභිමතය පරිදි පොදු සමාවක් ලබාදීමට හැකි යැයි ද ශ්රේෂ්ඨාධිකරණයේ නීතිඥ පේ්රම්නාත් සී. දොලවත්ත මහතා ‘දිවයින’ පුවත්පතට ඊයේ (27 දා) පවසා තිබෙනවා.
ගලගොඩඅත්තේ ඥානසාර හිමියන්ට පොදු සමාවක් ලබාදීමට පෙර අධිකරණ අමාත්යාංශය මගින් බන්ධනාගාර අධිකාරිවරයා ලවා වාර්තාවක් කැඳවීමට අවශ්ය බවට ඇතැමුන් ප්රකාශ කළත් ජනාධිපතිවරයාට ඇති බලතල අනුව එවැනි වාර්තාවක් කැඳවීමට අවශ්ය නොවන බව ඒ මහතා පවසා ඇත.
හිටපු ජනාධිපතිවරයකු වූ ජේ. ආර්. ජයවර්ධන මහතා නාවල නිහාල් නමැත්තාට සිර දඬුවම් විඳිමින් සිටියදී පොදු සමාව ලබාදී අනතුරුව සාමදාන විනිශ්චයකාර ධුරයක් ද ලබාදී ඇතැයි ද හෙතෙම අවධාරණය කර ඇති අතර, ඒ ආකාරයෙන් වත්මන් ජනාධිපතිවරයාට ද ඕනෑම අයකුට තමන්ට හිමි බලතල අනුව නිදහස ලබාදිය හැකි බව ද දොලවත්ත මහතා වැඩිදුරටත් සඳහන්කර ඇත.