තමන් වහන්සේට සිදුවෙන්නට යන දෙය පිළිබඳව 2018 මාර්තු 27 Colombo Today අපගේ වෙබ් අඩවිය සමග සිදුකල සාකච්චාවකදී බොදු බල සේනා සංවිධානයේ මහ ලේකම් රාජකීය පණ්ඩිත ගලගොඩඅත්තේ ඥානසාර හිමි අදහස් ප්‍රකාශ කර සිටියා.
පාලකයන් සාම, දාන, භේද,දණ්ඩ යන ක්‍රියාවලිය ඔස්සේ කටයුතු කරන බව එහිදී ප්‍රකාශ කර සිටි ඥානසාර හිමි “පාලකයෝ සාමයට කතා කරනවා.. සමයට ගියොත් අපේ අරමුණුවලින් අපට යම් පමණකට ඈත් වෙන්න වෙනවා. ඒ නිසා ඒකට අපි කැමති නෑ… ඊළඟට දාන… වරදාන දෙනවා… පාලකයෝ හුගාක් අපිට වරදාන දෙන්න ඇවිල්ලා තියෙනවා… නමුත් අපි ඒවා අලුයම හෙලූ කෙළපිඩක් මෙන් අයින් කරනවා. ඊළඟට මේ අය බලනවා භේද කරන්න. එකනම් හරි ගිහිල්ලා තියෙනවා. භේද කරනවා. මේක ඩීල් එකක් කියනවා. අතරමගදි මනුස්සයෙක් හම්බ උනොත් කතා නොකර ඉන්නද? හිනා වෙලා කතා කලොත් ඒක ඩීල් එකක්. අවසාන විග්‍රහයේදී අපි ඒකත් ජය ගන්නවා. ඊළඟට ඒ ගොල්ලෝ දණ්ඩ නීති සංග්‍රහය ගෙනත් අපිව ගැට ගහලා දානවා. ඉතිං ඒ දණ්ඩයෙන් තමයි අපිව ගැටගහලා තියෙන්නේ. දවස් ගණන් උසාවිවල රස්තියාදු වෙනවා.” යැයි සඳහන් කර සිටියහ.
