වසර 19ක බරපතල වැඩ සහිත සිරදඬුවම් ලැබ බන්ධනාගාර ගත කර සිටින පූජ්‍ය ගලගොඩඅත්තේ ඥාණසාර හිමි බැහැ දැකීම සඳහා ජාත්‍යන්තර වෙළඳ රාජ්‍ය අමාත්‍ය සුජීව සේනසිංහ මහතා බන්ධනාගාරය වෙත ඊයේ (10) ගොස් තිබෙනවා.
අධිකරණයේදී සිදුවූ දේ පිළිබඳව තමන් දැනුවත් කර බවත් නීතිමය තත්වය පිළිබඳව ඥානසාර හිමි දැනුවත් කිරීමට තමන් කටයුතු කර බවත් පැවසු අමාත්‍යවරයා රජයේ ඉහල පෙලේ නායකයන් සමග මේ පිළිබඳව සාකච්චා කරන බව මාධ්‍ය වෙත අදහස් දක්වමින් අමාත්‍යවරයා පැවසීය.
උන්වහන්සේට ඉක්මන් නිදහස ප්‍රර්ථනා කරන බවත් අමාත්‍යවරයා මෙහිදී පැවසීය.