යුද්ධය අවසන් සමයේ ශ්‍රී ලංකාව දරුණු ආර්ථික අවපාතයකට මුහුණු දුන් බවත්, එම අර්බුදයෙන් රට මුදවා ගැනීමට හැකි වූයේ ලිබියාවේ නායක මුවම්මර් ගඩාෆිගේ සහයෝගය මත බවත් හිටපු ජනාධිපති මහින්ද රාජපක්ෂ මහතා පවසයි.
මේ වන විට ඇතැම් පාර්ශව තමන් ගඩාෆිගේ කර වටො අත දමාගෙන සිටින් රට පාවා දුන් බවට චෝදනා නගනවා.
එහෙත් ඡායාරූපයක් පදනම් කර ගනිමින් නගන චෝදනාව පදනම් විරහිත බව මහින්ද රාජපක්ෂ මහතා පෙන්වා දෙයි. ඡායාරූපයට අනුව ලිබියානු නායකයාගේ අත දමා සිටින්නේ තමාගේ කරවටා බවට අද බොහෝ දෙනෙකුට නොපෙනීම කනගාටුවට කරුණක්. විදේශ සංචිත ශීඝ්‍රයෙන් කඩා වැටුණු අවස්ථාවකදී ලබා දුන් එක් දුරකථන පණිවුඩයකින් ශ්‍රී ලංකාවේ රජයට අමෙරිකානු ඩොලර් මිලියන 500ක ණයක් ලබා දීමට ඔහු එකඟ වුණා. එය එසේ සිදු නොවන්නට යුද්ධය ජය ගැනීමට පෙර මෙරට ආර්ථිකය කඩා වැටීමකට ලක්වන බවද මහින්ද රාජපක්ෂ මහතා සඳහන් කරයි.