හැත්තෑවන නිදහස් සමරු උත්සවය “එකම දැයක්“ යන තේමාව යටතේ අභිමානයෙන් පැවැත්වීමට සියලු කටයුතු සූදානම් කර ඇතැයි රාජ්‍ය පරිපාලන හා ස්වදේශ කටයුතු අමාත්‍ය වජිර අබේවර්ධන මහතා පවසයි.
ජනාධිපති ලේකම් කාර්යාලය හා අග්‍රාමාත්‍ය කාර්යාලය ඒකාබද්ධව නිදහස් උත්සවයේ කටයුතු සූදානම් කෙරෙමින් පවතින බවත් ඒ සදහා ආරාධිතයන් 3500කට පමණ ආරාධනා කර ඇති බවද අමාත්‍යවරයා කියා සිටී.
70 වන නිදහස් උත්සවයේ ප්‍රධාන ආරාධිතයා ලෙස බ්‍රිතාන්‍ය රජ පවුලේ සාමාජිකයෙකු වන එඩ්වඩ් කුමරු සහභාගී වන බවද අමාත්‍යවරයා කියා සිටියේය.
පෙබරවාරි 1 වැනිදා සිට 7 වන දා දක්වා සියළු නිවාස සහ ව්‍යාපාරික ස්ථානවල ජාතික කොඩිය ඔසවා තබන්නැයි ද අමාත්‍යවරයා ඉල්ලා සිටී.