තමන් සිරගත කළේ හිටපු ආරක්ෂක ලේකම් ගෝඨාභය රාජපක්ෂ යැයි ෆීල්ඩ් මාර්ෂල් ඇමති සරත් ෆොන්සේකා සිතා සිටින බවත්, එයට පළිගැනීම සදහා ඔහු ඕනෑම බලවේගයක් සමග එකතු වීමට සූදානම් බවත් බොදු බල සේනා මහ ලේකම් පූජ්‍ය ගලගොඩඅත්තේ ඥාණසාර හිමියන් පවසයි.
හිටපු ආරක්ෂක ලේකම් ගෝඨාභය රාජපක්ෂ මහතා අත්අඩංගුවට ගැනීමේ සූදානම පිළිබදව අදහස් දක්වමින් එහිමියන් මේ බව පැවසීය.
රටට නිදහස දුන් විරුවන් දෙමළ බෙදුම්වාදීන්ගේ උවමනාවට සිරගත කිරීමට යමෙක් උත්සහා කරනවානම් එය ජාතියේ අවාසනාවක් බවද උනව්හන්සේ කියා සිටියේය.
මේ අතර ගෝඨාභය රාජපක්ෂක මහතා අත්අඩංගුවට ගතහොත් මහා සංඝරත්නය පාරට බැසීමට සූදානමින් සිටින බවත්, එය මේ ආණ්ඩුවේ අවසානය වන බවත් පූජ්‍ය මුරුත්තෙට්ටුවේ ආනන්ද නාහිමියන් ප්‍රකාශ කර සිටී.
ගෝඨාභය රාජපක්ෂ මහතා කිසිවිටෙකත් මෙරටට වැරදිකාරයෙක් නොවන බවත්, ඉදිරියේ දී ඔහු දේශපාලනයට පැමිණිය හොත් එය අභියෝගයක් වන නිසා එයට බිය වී ආණ්ඩුව මෙවැනි දේ සිදුකිරීමට පෙලඹෙන බවත් ආනන්ද හිමියන් පවසයි.
රටේ රාජ්‍ය නායකයා ලෙස දූරදර්ශී ලෙස කටයුතු කරන ලෙස ජනාධිපතිවරයාගෙන් ඉල්ලා සිටින බවත්, මව් බිම ආරක්ෂා කිරීමට සිටින අය ලෙස සංඝයා වහන්සේ ගෝඨාභය රාජපක්ෂ මහතා වෙනුවෙන් ඉදිරිපත් වන බවත් උන්වහන්සේ සඳහන් කරයි.