මේ මස 26 වැනිදාට යෙදෙන කොටි නායක වේලුපිල්ලේ ප්‍රභාකරන්ගේ උපන් දිනය සහ 27 වැනිදාට යෙදෙන කොටි මහවිරු සමරුව වෙනුවෙන් උතුරේ ස්ථාන කිහිපයක සැමරුම් පැවැත්වීමට සංවිධානයක කර ඇත.
නීතියට විරුද්ධව තහනම් සංවිධානයක් හෝ ත්‍රස්ත නායකයෙක් සැමරීමට යමෙක් ක්‍රියාකරන්නේ නම් ඔවුන්ට එරෙහිව නීතිමය පියවර ගැනීමටද පොලිස් නිලධාරීන් යෙදවීමට පොලිස් දෙපාර්තමේන්තුව පියවර ගෙන ඇත.
පසුගිය දින කිහිපය පුරා යාපනයේ ස්ථාන කිහිපයක දී තියුණු ආයුධ වලින් පහර දීම් සහ සමාජ විරෝධි ක්‍රියා වාර්තාවීම හේතුවෙන් වහාම ක්‍රියාත්මක වන පරිදි දින නියමයක් නොමැතිව උතුරේ සියළුම පොලිස් නිලධාරීන්ගේ නිවාඩු අවලංගු කිරීමට උතුරු පළාත් ජ්‍යෙෂ්ඨ නියෝජ්‍ය පොලිස්පති රොෂාන් ප්‍රනාන්දු නියෝග කර ඇත.