රත්නපුරයට මහ ගංවතුරක් එන බවට මීට මාස දෙකකට පෙර අනාවැකි පළවී තිබෙනවා. එය 70%ක් පමණ තහවුරු වී ඇති බවට රත්නපුර දිස්ත්‍රික් සම්බන්ධීකරණ කමිටුවේදී එක් පුද්ගලයෙක් අනාවරණය කර තිබෙනවා.
වසර 143ක දත්ත වාර්තා පරික්ෂා කරමින් කළ අධ්‍යයනයක් පිළිබඳ එලෙස කරුණු වාර්තා කර ඇත්තේ රත්නපුර ප්‍රාදේශීය වාරිමාර්ග ඉංජිනේරු අනුර සමරතුංග මහතායි.
වාරිමාර්ග අධ්‍යක්ෂවරයෙක් වන එස්.එම්. ප්‍රේමසිරි මහතා කළ අධ්‍යයනයක් තවදුරටත් අධ්‍යයනය කිරීමෙන් අනතුරුවයි සමරතුංග මහතා මෙම අනාවැකිය ප්‍රකාශ කර තිබෙන්නේ. එහිදී ඔහු රත්නපුර දිස්ත්‍රික්කයට වර්ෂාව ලැබෙන ජනප්‍රවාද පිළිබඳවද දැඩි අවධානයක් යොමු කර තිබෙනවා. එමෙන්ම පැවති කාලගුණයද ඔහුගේ නිරීක්ෂණයට ලක් වුණා.
ඒ අනුව දත්ත මත පදනම් වෙමින් එදින හමුවට පැමිණි දේශපාලන බල අධිකාරිය මෙන්ම රාජ්‍ය නිලධාරීන්ද ඔහු දැනුවත් කර තිබෙනවා. ඔහු එහිදී අවධාරණය කර තිබෙන්නේ අනිවාර්යෙන්ම ගංවතුර එන බවත්, ඒ පිළිබදව බිම් මට්ටමේ ජනතාව දැනුවත් කර අවශ්‍ය පියවර ගත යුතු බවයි.
අවාසනාවට බලධාරීන් ඒ පිළිබදව නිසි අවධානය යොමු නොකිරීම නිසා අවසානයේ සිදුවූයේ මුදලින් මැණිය නොහැති මහා ව්‍යසනයක්.
මෙම අනාවැකිය පිළිබඳ බලධාරීන් අවධානයෙන් කටයුතු කළේ නම් දැවැන්ත ව්‍යවසනයෙන් සිදු වු ජීවිත හා දේපළ හානි වළක්වා ගැනීමට ඕන තරම් වෙලාව සහ හැකියාවක් තිබුණු බවනම් නොඅනුමානයි.
මේ පිළිබඳ Champika Nirosh තැබූ FB සටහන..
