ත්රස්ත මර්දන පනත තවදුරටත් ක්‍රියාත්මක නොවන බව ශ්‍රී ලංකා රජය ඊයේ (3 දා) ජිනීවා මානව හිමිකම් සමුළුව වෙත දැනුම්දී ඇත.
ජනාධිපති මෛත්‍රිපාල සිරිසේන මහතා ඒ සඳහා උපදෙස්‌ දුන් බව සංහිඳියා කටයුතු අමාත්‍යාංශයේ ලේකම් මනෝ තිත්තවැල්ල මහතා ජිනීවාහිදී ප්‍රකාශ කර තිබේ.
ත්රස්ත මර්දන පනත තවදුරටත් ක්‍රියාත්මක වන්නේ නැහැ යෑයි මානව හිමිකම් කවුන්සිලයේ ශාලාවක පැවති මාධ්‍ය හා ඊළාම් ඩයස්‌පෝරා ක්‍රියාකාරීන් හමුවේ ඔහු වැඩිදුරටත් කියා සිටියේය. මෑතකදී ත්රස්ත මර්දන පනත යටතේ දෙදෙනකු අත්අඩංගුවට ගත් බවත් පසුව ඔවුන්ට සාමාන්‍ය නීතිය යටතේ නඩු පැවරූ බවත් හෙතෙම කීවේය. ත්රස්ත මර්දන පනත 1978 දී සම්මත වූ අතර එය 1982 දී ස්‌ථිර පනතක්‌ ලෙස ක්‍රියාත්මක වී ඇත.
මෙම පනත යටතේ සැකකරුවකු මාස 18 ක් රඳවා ගත හැකිය. නව ත්රස්ත මර්දන පනත ළඟදීම කැබිනට්‌ මණ්‌ඩලයට ඉදිරිපත් කෙරෙන බව අමාත්‍ය මංගල සමරවීර මහතා පැවසීය.
ත්රස්ත මර්දන පනත යටතේ හිටපු කොටි ක්‍රියාකාරීන් 130 දෙනකු හා සිංහල සැකකරුවන් 10 දෙනකු හා බුද්ධි අංශ නිලධාරීන් 8 දෙනකු රඳවාගෙන ඇත.