එච්.අයි.වී. ආසාදිතයන් රැඳී සිටියදී පොලීසියට හසු වූ වැල්ලවත්තේ පිහිටි සම්බාහන මධ්‍යස්ථානයක් ලෙස පවත්වාගෙන ගිය ගණිකා නිවාසය නැවත වැඩ පටන්ගෙන ඇතැයි ප්‍රදේශවාසීන් පොලීසියට දැනුම් දුන්නද මතෛක් ඊට එරෙහිව පියවර ගෙන නැත.
වැල්ලවත්ත පොලීසිය මෙයට මාස කිහිපයකට පෙර ප්‍රදේශවාසීන්ගේම තොරතුරු මත එම ස්ථානය වටලා සම්බාහනකරුවන් ලෙස සිටි විදේශීය ගණිකාවන් රැසක් අත්අඩංගුවට ගත්තේය.
එසේ අත්අඩංගුවට ගත් කාන්තාවන් වෛද්‍ය පරීක්ෂණයක් සඳහා යොමු කළවිට තායි කාන්තාවන් දෙදෙනකු එච්.එයි.වී. ආසාදිතයන් බව අනාවරණය වී තිබුණි. නැවත එම ස්ථානය විවෘත කර ඇත්තේ දේශපාලනඥයකුගේ අනුග්‍රහය ඇතිව බව ප්‍රදේශවාසීහු සඳහන් කරති. එම සම්බාහන මධ්‍යස්ථානය ආසන්නයේ විහාරස්ථානයක්ද පිහිටා තිබේ.