මෙතෙක් කලක් ඉංග්‍රීසි භාෂාවෙන් පමණක් දර්ශනය වූ ගූගල් සිතියමේ (Google Map) මේ වන විට ශ්‍රී ලංකාව අයත් වන සීමාවේ නගර සහ ආයතන නාමයන් සිංහල භාෂාවෙන් දර්ශනය වනවා. ඒ සමගම “Adam’s Peak“ යන්නද “ශ්‍රීපාදය Sri paada“ ලෙස නම් වී තිබෙනවා.
අරාබි ජාතියක් පිරිසක් “අදාම්ගේ පාද සටහන“ තබා ඇති බව සදහන් කරමින් ශ්‍රීපාදස්ථානයට අයිතවාසිකම් කියන වීඩියෝ දර්ශන පලවීමත් සමග Adam’s Peak නම ගූගල් සිතියමේ “ශ්‍රී පාදය“ ලෙස වෙනස් කළ යුතු යැයි සමාජ ජාලා ඔස්සේ දැඩි ආන්දෝලනාත්මක කතා බහක් ඇතිවූවා. එලෙස සමාජ ජාලා ඔස්සේ දැනුවත් වී අති විශාල පිරිසක් ගූගල් ආයතනය දැනුවත් කිරීමට යෙදුණ අතර ව්‍යාජ නමකින් නම්කර තිබූ අපේ ජාතික උරුමයක් යළි සැබෑ නමකින්ම නම් වීම ලාංකීය සැම ලැබූ ජයක් ලෙස සැලකිය හැකියි. 
