කොල්ලන් කෙල්ලන් කඳුළු ගෑස් ජල ප‍්‍රහාරවලට ආසාවක් දක්වන බව ඇමති හරීන් ප‍්‍රපාන්දු මහතා පවසයි.
ඊයේ දිනයේ සරසවි සිසු විරෝධතාවයට පොලීසිය විසින් කඳුළු ගෑස්, ජල ප්‍රහාර එල්ල කිරීම ගැන සිරිකොතේදී පැවති මාධ්‍ය හමුවකදී ඔහු එසේ අදහස් පල කලේය.
අධි ආරක්‍ෂිත කලාපයට නොපැමිණෙන ලෙම පොලීසිය සිසුනට දන්වා තිබියදී එය නොතකා ගමන් කලේම එම ප්‍රහාර එල්ල කරවා ගැනීමට බවද කී ඇමති හරීන් අපද එවැනි කාලයක් පසුකළ බවද කියා සිටියේය.
ජනාධිපතිවරයාගේ වෙබ් අඩවිය හැක් කිරීම සම්බන්ධයෙන් අදහස් දැක්වූ ඇමතිවරයා පැවසුවේ, එම සිසුවා දක්ෂයෙක් බැවින් ඔහුට ශිෂ්‍යත්වයක් ලබා දීම පිළිබදව සලකා බලන බවයි.
දණ්ඩ නීති සංග්‍රහය යටතේ සයිබර් අපරාධකරුවන්ට දඬුවම් පැමිණවීමට නව නීති ගෙන එන බවද ඇමතිවරයා එහිදී පැවසීය.