ඊයේ දිනයේ මඩකලපුවේ සංචාරයක නිරත වූ ජනාධිපති මෛත්‍රීපාල සිරිසේන මහතා මඩකලපුවේ මංගලාරාම විහාරස්ථානයේ නව විහාර මන්දිරය විවෘත කිරීමට වෙලාවක් නැතැයි පවසා එහි නොපැමිණි බව පවසමින් විහාරාධිපති පූජ්‍ය අම්පිටියේ සුමනරතන නාහිමිපාණන් වහන්සේ විසින් කුළුගෙඩියෙන් ගසා ජනපතිගේ නම සදහන් සමරුඵලකය ගලවා විසිකර ඇත.
සමරු ඵලකය කඩා දමන අවස්ථාවේ දැඩි ආවේගයෙන් අදහස් දැක්වූ නාහිමියෝ “මංගලාරාම විහාරයේ නව බුද්ධ මන්දිරය විවෘත කිරීම සදහා ජනාධිපතිවරයාට ආරාධනා කළත් නොපැමිණි බවත්, එසේ වුවත් ඔහු හත්වතාවත් මඩකලපුවට පැමිණි බව නැගෙනහිර මහඇමතිවරයා උදම් අනන බවත්, වෙනම ඉඩම් බලතල, පොලිස් බලතල ඔවුන්ට දෙන බවට අනියමින් පොරොන්දු වූ ජාතිවාදීන්ටම කත් අදින ජනාධිපතිවරයා ඇතුළු නායකයින්ගේ පහත් ක්‍රියාකාළාපයට සිංහල ජාතියක් වශයෙන් ලැජ්ජාවිය යුතු නිසා ජනපතිවරයාගේ නමවත් පන්සලේ තබා ගැනීමට සුදුසු නොවන බව පවසා සිටියා.
උන්වහන්සේ පවසන්නේ රටේ නායකයා වශයෙන් ජනාධිපතිවරයාට මඩකලපුවේ එකම පන්සලටවත් පැමිණීමට නොහැකිනම්, ඔහුගේ නම පන්සලේ ගසාගෙන සිටීමෙන් පළක් නොවන බවයි.