ආණ්ඩුවට අවශ්‍ය ජනතාව මෙහෙයවන නායකයන් හිර කර ඔවුන්ට මඩ ගැසීම බවත්, මේ රජය ඉතා දක්ෂ ලෙස සිදුකරන්නේ පළිගැනීම පමණක් බවත් හිටපු ජනාධිපති මහින්ද රාජපක්ෂ මහතා පවසයි.
අත්අඩංගුවේ සිටින උදය ගම්මන්පිල මහතා සහ මොහොමඩ් මුසම්ම්ල් මහතා හමුවීම සදහා කොළඹ නව මැගසින් බන්ධනාගාරයට ඊයේ පැමිණි අවස්ථාවේ මාධ්‍යවේදීන් හමුවේ අදහස් දක්වමිනුයි හිටපු ජනාධිපතිවරයා මේ බව පැවසුවේ.
තමන් අද දේශපාලන හිරකරුවන් බැලීමට ගිය බව හිටපු ජනපති මහින්ද රාජපක්ෂ මහතා පැවසීය.
හිටපු ජනාධිපතිවරයා ඇතුළු පිරිසක් අද බොරැල්ල මැගසින් බන්ධානාරයට ගොස් උදය ගම්මන්පිල හා මොහොමඩ් මුසම්මිල් යන මහත්වරුන්ගේ සුවදුක් බැලිමට ගොස් තිබුණි.
අනතුරුව මෝටර් රථයෙන් බසිමින් මාධ්‍යවේදීන් අමතා හිටපු ජනපති කියා සිටියේ
“දේශපාලනඥයින් හිර කරන්න පුළුවන් නමුත් ජනතා මතය හිර කරන්න බැහැ” යනුවෙනි.
ඒකාබද්ධ විපක්ෂයෙක් කිසිවෙකුත් ආණ්ඩුවට එකතුනොවන බවත්, ඒකාබද්ධ විපක්ෂය ඒ ආකාරයෙන්ම තිබෙන බවත්,මාධ‍්‍යවේදියෙකු ඇසූ ප්‍රශ්නයකට පිළිතුරු ලෙස කියා සිටියේය.
මේ අතර අලුත් පක්ෂය ගැන කළ ප්‍රශ්න කිරීමකදී හිටපු ජනපති කියා සිටියේ “වේලාව එනකම් ඉන්න” යනුවෙනි.