ආපදාවට පත් ජනතාවට රජය විසින් සහන සැලසීමේදී කටයුතු කරමින් සිටින්නේ වගකීම් විරහිතව බැවින් ජනතාව දැඩි දුෂ්කරතාවට පත්ව සිටින බව පාරිභෝගික අයිතීන් සුරැකීමේ ජාතික ව්‍යාපාරය පවසයි.
සංවිධානයේ සභාපති රංජිත් විතානගේ මහතා පෙන්වා දෙන්නේ රජය විසින් සමහර ප‍්‍රදේශවලට යම් සහනාධාර ප‍්‍රමාණයක් දුන්නද ඒ අවතැන් කදවූරුවල සිටින පිරිසට පමණක් බවත්, වැඩි පිරිසක් දැඩි දුෂ්කරතා මධ්‍යයේ තම නිවෙස්වලට වී සිටින බවත්ය.
එසේ නිවෙස්වලට වී සිටින ජනතාවට ආහාර පිලියෙල කිරීමට නොහැකි වී තිබෙන බවත්, වියළි ආහාර ද්‍රව්‍ය විනාශ වී ඇති බවත් ඔහු පවසයි.
දේශපාලඥයන් සිදු කරමින් සිටින්නේ ආපදාවෙන් පීඩාවට පත් ජනතාවගේ සුව දුක් බැලීමට ගොස් ඡුායාරූප රැගෙන තම ෆේස්බුක් පිටු සැරසීම බවත් විපතට පත් ජනතාවට කර කියා ගත නොහැකිව දැඩි ලෙස අසරණ වී සිටින බවත් ඔහු වැඩි දුරටත් කියා සිටියේය.