.jpg)
ගාල්ලේ පැවැත්වෙන ශ්‍රී ලංකා නිදහස් පක්ෂ මැයි දින සැමරුමට සහභාගි නොවී වෙනත් සැමරුම්වලට සහභාගි වන ආසන සංවිධායකවරුන් ඉවත් කර නව ආසන සංවිධායකවරුන් පත් කිරීමට ශ්‍රී ලංකා නිදහස් පක්ෂය තීරණය කර තිබේ.
මේ අනුව අදාළ ආසන සංවිධායකවරුන් ඉවත් කිරීමත් සමග ඇතිවන පුරප්පාඩු සම්පූර්ණ කිරීම සඳහා නව ආසන සංවිධායකවරුන් හඳුනාගැනීම සඳහා පක්ෂය විසින් දැනට ආරම්භකර ඇති සම්මුඛ පරීක්ෂණ යොදා ගැනීමටද පක්ෂ නායකත්වය තීරණය කර ඇති බවද වාර්තා වේ.
පොදුවේ ඒකාබද්ධ විපක්ෂය සමග කටයුතු කරන ශ්‍රී ලංකා නිදහස් පක්ෂ සාමාජිකයන් සහ ආසන සංවිධායකවරුන් සියලු දෙනාද මැයි මාසය තුළ ඉවත් කිරීමට සැලසුම් කර තිබෙන අතර, හිටපු ජනාධිපති මහින්ද රාජපක්ෂ මහතා වෙනත් මැයි දින රැලියකට සහභාගි වුවහොත් පක්ෂ අනුශාසක තනතුරෙන් ඉවත් කිරීමටද පක්ෂය සැලසුම් කර ඇත.