ඔක්තෝබර් මස 24 වැනි දා සිට 26 වන දක්වා සැමෝවාහි දී පැවැත්වෙන පොදුරාජ්‍ය මණ්ඩලයේ රාජ්‍ය නායක සමුළුවට ජනාධිපති අනුර දිසානායක මහතා සහභාගී නොවේ.
ඒ අනුව එම සමුළුව සඳහා විදේශ කටයුතු අමාත්‍යාංශයේ හා ලන්ඩනයේ ශ්‍රී ලංකා මහ කොමසාරිස් කාර්යාලයේ ජ්‍යෙෂ්ඨ නිලධාරීන් පිරිසක් සහභාගි වීමට නියමිතය.
ඊට අනුමැතිය ඉල්ලමින් විදේශ අමාත්‍යවරයා ලෙස විජිත හේරත් මහතා ඉදිරිපත් කළ යෝජනාවට කැබිනට් අනුමැතිය හිමි වී ඇත.
කැබිනට් ප්‍රකාශක විජිත හේරත් මහතා කැබිනට් හමුවේදී පැවසුවේ ආණ්ඩුවේ පවතින කටයුතු සහ ඉදිරි මහ මැතිවරණය හේතුවෙන් ජනාධිපතිවරයා හෝ කිසිදු අමාත්‍යවරයෙකු මෙම සමුළුවට සහභාගී නොවන බවය.