ඉකුත් 29 වන දින බෝගම්බර බන්ධනාගාර රෝහලේ ප්‍රධාන වෛද්‍යවරයා ප්‍රථිකාර ලබා ගැනීම සදහා පැමිණෙන කාන්තා අංශයේ රැදවියෙකු හට ජංගම දුරකථන ආරෝපණ හා ජංගම දුරකථන බැටරී 02ක් ලබා දෙන අවස්ථාවේ බන්ධනාගාර නිළධාරින් විසින් අත්අඩංගුවට ගෙන වැඩිදුර ප්‍රශ්ණ කිරීමේදී මෙවැනි ආකාරයට මීට පෙර අවස්ථාවල ජංගම දුරකථන කාන්තා රැදවියන්ට මුදලට විකිණු බව පිළිගෙන ඇත. සිදුවිම සම්බන්ධයෙන් ඉදිරී නිතීමට කටයුතු සදහා වෛද්‍යවරයා පල්ලේකැලේ පොලිසිය වෙත භාර දෙන ලදී.
ඒ් අනුව පසුගිය (30) වන දින සැකකරු තෙල්දෙණිය ගරු මහේස්ත්‍රාත් අධිකරණයට ඉදිරිපත් කළ අතර, නඩු අංක බී1563/21 යටතේ බන්ධනාගාර රෝහලේ වෛද්‍යවරයෙකු වශයෙන් සිටිමින් කාන්තා රැදවියෙකුට බන්ධනාගාරය තුළට රැගෙන යාමට තහනම් ද්‍රව්‍යක් වන ජංගම දුරකථන බැටරි 02ක් හා ජංගම දුරකථන චාජරයක් ලබාදීමේ චෝදනාව මත විමර්ෂණ කටයුතු අවසන් වන තෙක් සැකකරු රිමාන්ඩ් භාරයට පත් කරන ලදී.
නැවත සැකකරු මෙම මස 12 වන දින අධිකරණයට ඉදිරිපත් කිරිමට නියමිතව ඇති අතර, සැකකරු කෑගල්ල බන්ධනාගාරයේ රදවා ඇති බව බන්ධනාගාර දෙපාර්තමේන්තුව දන්වා සිටී.