ශ්‍රී ලංකා පොලිසියේ මහජන සාමය කළමනාකරණ කොට්ඨාසය භාර වැඩ බලන අධ්‍යක්ෂ ලෙස කටයුතු කරන ලද පොලිස් අධිකාරි ටී.එම්.ඒ.ජේ රොද්‍රිගෝ මහතා වහාම ක්‍රියාත්මක වන පරිදි එම තනතුරෙන් ඉවත් කර විශේෂ රාජකාරි පදනම මත ක්ෂේත්‍ර බලකා මූලස්ථානය වෙත අනුයුක්ත කිරීමට වැඩ බලන පොලිස්පති ප්‍රියන්ත වීරසූරිය මහතා නියෝග කර තිබේ.
හිටපු මහජන සාමය කළමනාකරණ කොට්ඨාස භාර නිලධාරී වශයෙන් කටයුතු කළ පොලිස් අධිකාරී ටී.එම්.ඒ.ජේ රොද්‍රිගෝ එම තනතුරට යෝග්‍ය නොවන ආකාරයට කටයුතු කළ බවට කරුණු හෙළි වීමත් සමග මෙම තීරණය ගැනීමට වැඩ බලන පොලිස්පතිවරයා ක්‍රියාකර තිබේ.
ඒ අනුව පුරප්පාඩු වූ ශ්‍රී ලංකා පොලිසියේ මහජන සාමය කළමනාකරණ කොට්ඨාශ භාර නිලධාරී ලෙස ජ්‍යෙෂ්ඨ පොලිස් අධිකාරී කේ.ජේ.එස් කුමාරසිංහ මහතා පත් කිරීමට වැඩ බලන පොලිස්පති ප්‍රියන්ත වීරසූරිය මහතා කටයුතු කර තිබේ.