ග්‍රීසිය දැඩි ආර්ථික අර්බුදයක පවතින කාලයක් තුළ ඒ බව දැන දැනත් භාණ්ඩාගාර බිල්පත් මිල දී ගැනීමෙන් රජයට රු. මිලියන 1843කට අධික මුදලක් පාඩු කළැයි චෝදනා කරමින්, හිටපු මහ බැංකු අධිපති අජිත් නිවාඩ් කබ්රාල් ඇතුළු පස් දෙනෙකුට එරෙහිව අල්ලස් හෝ දූෂණ විමර්ශන කොමිසම යළිත් කොළඹ මහාධිකරණය හමුවේ නඩු පවරා ඇත.
මේ සම්බන්ධයෙන් ලද පැමිණිල්ලකට අනුව, අල්ලස් හෝ දූෂණ විමර්ශන කොමිෂන් සභාව විසින් විමර්ශනයක් සිදු කරන ලද අතර එම විමර්ශනයෙන් අනතුරුව මහාධිකරණය හමුවේ නඩු පැවරීමට එම කොමිසම කටයුතු කර ඇත.