Colombo Today Local News

පෙම්වතිය මගහැරියාට පෙම්වතාට පිහිපහරක්

ගම්පොළ වැඩබලන මහෙස්ත්‍රාත් නන්දනී කාන්තිලතා මහත්මිය නියෝග කලේ වසර ගණනක ප්‍රේමය මඟහැරීමට උත්සාහ කළ 22 හැවිරිදි පෙම්වතාට පිහිපහරක් එල්ල කළ 19 හැවිරිදි පෙම්වතිය ලබන 22 වැනිදා දක්වා රක්ෂිත බන්ධනාගාර ගත කරන ලෙසටය.

මෙලෙස රක්ෂිත බන්ධනාගාරගත කර ඇත්තේ ගම්පොළ උලපනේ ප්‍රදේශයේ පදිංචි තරුණියකි.

ඇය ගම්පොළ නගරයේ මත්ස්‍ය ව්‍යාපාරවලට සම්බන්ධ තරුණයෙකු සමග ප්‍රේම සම්බන්ධතාවක් පවත්වාගෙන ගොස් තිබිණි.

එහෙත් කාලයක් ගිය පසු අදාළ තරුණයා ඇයව අත්හරින බවක් ඇයට දැනීමත් සමග ඒ පිළිබඳ ඇය ඔහුගෙන් විමසා සිටියද ඔහුගේ තීන්දුව වෙනස්‍ නොවන බව දැනගත් ඇය ඔවුන් දෙදෙනාගේ ඡායාරූපද මුහුණු පොතේ පළ කිරීමට කටයුතු යොදා ඇත්තේ ඔහුට වෙනත් පෙම් සබඳතාවක් පවත්වාගෙන යා නොහැකි වන අයුරින්ය.

මෙයින් කිපී ඇති තරුණයා එම ඡායාරූප මුහුණු පොතෙන් ඉවත් කරන ලෙස දන්වා ඇයට පහරදී ඇති බවත් මේ පිළිබඳ ඇගේ මව හා සහෝදරයාද දැනගෙන සිද්ධියට මැදිහත්වී ඇති බවත් සදහන් වේ.

ඒ අනුව තරුණියගේ මව හා සොයුරා මෙම තරුණයා ව්‍යාපාර කරන ගම්පොළ පොදු වෙළෙඳ පොළ වෙත පැමිණ ඒ පිළිබඳව විමසා ඇති අතර එහිදී අදාළ තරුණයා පෙම්වතියගේ සොහොයුරාට පහර දී ඇති බවත් වාර්ථා වේ.

එහිදී මව විසින් පහර කෑ පුතා රෝහලට රැගෙන ගොස් ඇති අතර තරුණිය සඟවාගෙන සිටි පිහියක් රැගෙන පෙම්වතාට පහර එල්ල කර ඇත.

එයින් තුවාල ලැබූ පෙම්වතා ගම්පොළ ශික්ෂණ රෝහලට ඇතුළත් කර ඇති අතර වෙළෙඳසැල අසල සිටි‍ අනෙකුත් පිරිස මෙම තරුණිය මෙල්ල කර පසුව ඇය පොලිස් අත්අඩංගුවට පත්ව තිබේ.

Related posts

තද සුළගින් මන්නාරම හා වව්නියාවේ නිවාස රැසකට හානි

colombotoday

සංවිධානය කළ උත්සව-චාරිකා නවත්වන්න – යුද හමුදාපති

colombotoday

ජනාධිපතිවරණයේ දී පොහොට්ටුවේ නොවන පුද්ගලයෙක් දිනවීමට සාමාජිකයින් කඩේ යවන්නේ නැහැ. – බැසිල් රාජපක්‍ෂ

colombotoday

වැලිකන්ද නිරෝධායන මධ්‍යස්ථානයේ රෝගීන්ට හිසේ තෙල් ගාන්න ගිය පොලිස් කොස්තාපල් අත්අඩංගුවට

colombotoday

ආර්ථික අර්බුදය විසදන්න අගමැතිට බැහැලු – ධම්මික රනිල්ට යන්න කියයි

colombotoday

පොලීසියට එරෙහිව මහජනතාවගෙන් පැමිණිලි 1200ක්

Admin