බූස්ස බන්ධනාගාර විශේෂ අංශයේ රඳවා සිටින ඉන්දියන් ජාතික සැකකරුවෙක් බන්ධනාගාර රෝහලේ නිලධාරියෙක්ට පහරදී ඇති බව වාර්තා වේ.
අමාන් ශේක් නම් එම සැකකරු ඊයේ (03) රාත්‍රී ඖෂධ ලබා දුන් ඖෂධ සංයෝජක නිලධාරියාගේ මුහුණ ට ප්‍රහාරයක් එල්ල කර තිබූ බව බන්ධනාගාර දෙපාර්තමේන්තුවේ මාධ්‍ය ප්‍රකාශක, බන්ධනාගාර කොමසාරිස් ගාමිණී බී. දිසානායක මහතා පවසයි.
අදාළ ප්‍රහාරයෙන් එම නිලධාරියා බිම ඇද වැටී ඇති අතර ඔහුව කරාපිටිය රෝහලට ඇතුළු කර ඇත.
මෙම සිදුවීම සම්බන්ධයෙන් ජේලර්වරයෙකු යොදවා මූලික විමර්ශනයක් සිදු කරමින් පවතින බවත් සැකකරුට එරෙහිව නීතිමය ක්‍රියාමාර්ග ගැනීමට නියමිත බවත් දිසානායක මහතා පවසයි.