2016 වසරේදී රාජගිරිය ප්‍රදේශයේ අපරීක්ෂාකාරීව රිය පදවා රිය අනතුරක් කිරීම සම්බන්ධයෙන් චෝදනා ලැබ සිටින හිටපු අමාත්‍ය පාඨලී චම්පික රණවක මහතාට එරෙහිව කොළඹ මහාධිකරණයේ ගොනු කොට ඇති නඩුව විභාගයට ගැනීම අත්හිටුවමින් අභියාචනාධිකරණය අතුරු නියෝගයක් නිකුත් කර තිබේ.
අභියාචනාධිකරණය මෙම අතුරු නියෝගය නිකුත් කරනු ලැබුවේ හිටපු අමාත්‍ය පාඨලී චම්පික රණවක මහතා විසින් ගොනුකර තිබූ රිට් පෙත්සමක් සම්බන්ධයෙන් තීන්දුව ප්‍රකාශයට පත් කරමිනි.
මෙම රිට් පෙත්සම අභියාචනාධිකරණ සභාපති නිශ්ශංක බන්දුල කරුණාරත්න සහ චමත් මොරායස් යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ලක් හමුවේ විභාගයට ගැනිණ.