කලවාන, පොතුපිටිය, රඹුක ප්‍රදේශයේ දී සැමියා විසින් තියුණු ආයුධයකින් ගෙල කපා සිය බිරිඳ ඝාතනය කර තිබේ.
මෙලෙස ඝාතනයට ලක්ව ඇත්තේ එම ප්‍රදේශයේ පදිංචි ඒ. වී. ජී ප්‍රේමලතා නැමැති වයස අවුරුදු 65 ක කාන්තාවක් බව පොතුපිටිය පොලිසිය පවසයි.
ඝාතනය සිදු කල බවට සැක කරන සැමියා වයස අවුරුදු 60ක පුද්ගලයකු බව පොලිසිය සඳහන් කරයි.
අද (02)දින ඇතිවූ ආරවුල දුර දිග යාම හේතුවෙන් තේ වත්තක තියුණු ආයුධයකින් ඇයගේ ගෙල කපා ඝාතනයට ලක්කර ඇති බව පොතුපිටිය පොලිසිය පවසයි.
සැකකාර සැමියා පලාගොස් ඇති අතර ඔහු අත්අඩංගුවට ගැනීමට පොලිස් විමර්ශන ආරම්භ කර තිබේ.