එක්සත් ජාතීන්ගේ කොළඹ කාර්යාලය ඉදිරිපට උද්ඝෝෂණයක් සිදුකර මාර්ග අවහිර කළ බවට චෝදනා එල්ල වී ඇති ජාතික නිදහස් පෙරමුණේ නායක පාර්ලිමේන්තු මන්ත්‍රී විමල් වීරවංශ මහතා ඇතුළු 7දෙනෙකු ඇපමත මුදා හැරීමට කොළඹ මහෙස්ත්‍රාත් අධිකරණය අද නියෝග කළා.
එක්සත් ජාතීන්ගේ මානව හිමිකම් කොමසාරිස්වරයා මෙරට සංචාරයක නිරත වන අතරතුර මොවුන් මෙම උද්ඝෝෂණයේ නිරත වූ බව පොලීසිය අධිකරණයට දැනුම් දී තිබුණා.
මීට අදාළව ලැබුණු නොතීසියකට අනුව විමල් වීරවංශ, ජයන්ත සමරවීර, වීරකුමාර දිසානායක, රොජර් සෙනෙවිරත්න, මොහොමඩ් මුසම්මිල්, පියසිරි විජේනායක යන මහත්වරුන් ඇතුළු 7 දෙනා අද(18) අධිකරණය හමුවේ පෙනී සිටි අතර එහිදී රුපියල් ලක්ෂය බැඟින් වූ ශරීර ඇප මත ඔවුන් නිදහස් කිරීමට කොළඹ ප්‍රධාන මහේස්ත්‍රාත් ගිහාන් පිලපිටිය මහතා නියෝග කර තිබේ.