ජා ඇල ප්‍රාදේශීය ලේකම් කොට්ඨාසයෙහි පිහිටි මුතුරාජවෙල ගොඩ කිරීමට පහත් බිම් ගොඩකිරීමේ සංස්ථාව ගෙන ඇති තීරණයට විසදුමක් ලබා දෙනතුරු තාවකාලිකව අත්හිටුවීමට පියවර ගතයුතු බවට අද(27)දින පැවති ගම්පහ දිස්ත්රික් සංවර්ධන කමිටුවේදී තීරණය කර තිබේ.
කමිටු සභාපතිවරුන් වන පාර්ලිමේන්තු මන්ත්‍රී සහන් ප්‍රදීප් විතාන සහ බස්නාහිර පළාත් ආණ්ඩුකාර රොෂාන් ගුණතිලක යන මහත්වරුන්ගේ ප්‍රධානත්වයෙන් පැවති රැස්වීමේදී මෙම තීරණය ගෙන ඇති අතර මෙහිදී අමාත්‍ය නලීන් ප්‍රනාන්දු සහ පාර්ලිමේන්තු මන්ත්‍රී නිමල් ලාංසා යන මහත්වරුන් සදහන් කර සිටියේ ප්‍රදේශයේ ආගමික නායකයින් සහ ජනතාවගේ විරෝධතාය නොසලකා මෙම ව්‍යාපෘතිය ක්‍රියාත්මක කළහොත් විශාල ප්‍රශ්ණයක් සිදුවිය හැකි බවත් එසේ වුවහොත් ජනතාව සමග තමන්ටද එක්වීමට සිදුවන බවත්ය.