අද (18) උදෑසන මොරටුව එගොඩ උයන ප්‍රදේශයේ සිදුවූ රිය අනතුරකින් පුද්ගලයින් පස්දෙනෙකු තුවාල ලබා රෝහල්ගත කර තිබේ.
මොරටුව එගොඩ උයන ප්‍රදේශයේදී රෝදයක් මාරු කිරීමට නවතා තිබූ බස් රථයක කැබ් රථයක් ගැටී අනතුර සිදුව ඇත.
කැබ් රථය පෑලියගොඩ මත්ස්‍ය වෙළෙඳපොළට ගමන් කරමින් තිබිය දී එලෙස අනතුරට ලක්ව ඇති අතර, අනතුරින් කැබ් රථයේ සිටි පස්දෙනෙකු තුවාල ලබා පානතුර රෝහලට ඇතුළත් කර ඇත.
ඉන් එක් අයෙකුගේ තත්ත්වය බරපතළ වීම හේතුවෙන් ඔහුව කොළඹ ජාතික රෝහලට මාරුකර යවා තිබේ.
අනතුරට හේතුව රියදුරුට නින්දයෑම බව වාර්තා වෙයි.
අනතුර පිළිබඳව වැඩිදුර විමර්ශන එගොඩ උයන පොලීසිය විසින් සිදුකරනු ලබයි.