ලබන වසර දෙක සඳහා ඇස්තමේන්තුගත කර ඇති විශේෂඥ වෛද්‍යවරුන්ගේ සංඛ්‍යාවෙන් මේ වනවිට රට තුළ සිටින්නේ 50%ක පමණ ප්‍රමාණයක් බව විශේෂඥ වෛද්‍යවරුන්ගේ සංගමය පවසයි.
එහි මාධ්‍ය ප්‍රකාශක විශේෂඥ වෛද්‍ය අශෝක ගුණරත්න මහතා සඳහන් කරන්නේ, රාජ්‍ය සේවකයන්ගේ විශ්‍රාම ගැන්වීමේ වයස් සීමාව වයස අවුරුදු 60දක්වා පහත දැමීමට රජය කටයුතු කිරීම හරහා ද විශේෂඥ වෛද්‍යවරුන්ගේ හිඟය වැඩි වන බවයි.
හදිසි අනතුරු අංශය සඳහා පුහුණු කර විශේෂඥ වෛද්‍යවරුන් ලෙස පත් කළ 30 දෙනෙකුගෙන් මේ වනවිට 20දෙනෙකු රට හැරගොස් ඇති බව ද එම සංගමය වැඩි දුරටත් පවසයි.
ඊට අමතරව නිර්වින්දන විශේෂඥ වෛද්‍යවරුන්ගෙන් 30 දෙනෙකු ද මේ වනවිටත් රට හැර ගොස් ඇත.