ස්ව කැමැත්තෙන් නිරාහාරව සිටි කෙන්යාවේ පුද්ගලයින් 47 දෙනෙකු ජීවිතක්ෂයට පත්ව තිබේ.
ආගමික විශ්වාසයක් මත මෙම පිරිස නිරාහාරව සිට ඇති බව විදෙස් මාධ්‍ය වාර්තා කරයි.
ආගමික සිද්ධස්ථාන නායකයෙකු ඒ සඳහා ඔවුන්ට උපදෙස් ලබා දී ඇතැයි සඳහන් ය.
පළමුවරට සිරුරු 21 සොයාගෙන අතර පසුව සිරුරු 26 ක් සොයාගෙන තිබේ.
මෙලෙස තවත් පිරිස් ජීවිතක්ෂයට පත්ව ඇත්දැයි සෙවීම සඳහා විමර්ශන අරඹා ඇති බව විදෙස් මාධ්‍ය වාර්තා කරයි.
මෙම ආගමික ඇදහිල්ලෙන් දිවි ගලවා ගත් පිරිස සෙවීම සඳහා ද විමර්ශන ක්‍රියාත්මක වන අතර සෝදිසි මෙහෙයුම සඳහා අක්කර 800 ක භූමි ප්‍රදේශයක් මුද්‍රා තබා ඇතැයි ද විදෙස් මාධ්‍ය වාර්තා සඳහන් කරයි.