ඡන්ද පත්‍රිකා මුද්‍රණය කිරීමට මුදල් සහ ආරක්ෂාව ලබා දෙන ලෙස ඉල්ලමින් රජයේ මුද්‍රණාලාධිපතිනි ගංගානී ලියනගේ මහත්මිය මුදල් අමාත්‍යංශ ලේකම්වරයාට සහ පොලිස්පතිවරයාට ලිපි යොමු කර තිබේ.
පොලිස් ආරක්ෂාව ලෙස ඡන්ද පත්‍රිකා මුද්‍රණය කරන කාලසීමාවේදී දිවා කාලයේ පොලිස් නිලධාරීන් 35 දෙනකු සහ රාත්‍රි කාලයේ 28 දෙනකු හෝ 25 දෙනෙකු අවශ්‍ය බවයි දන්වා ඇත්තේ.
ඒ අනුව,රජයේ මුද්‍රණාලයට පොලිස් මුරපොලක් ද තාවකාලිකව ලබා දෙනු ඇති.
මේ අතර පළාත් පාලන ඡන්දයට අදාළ මුද්‍රණ කටයුතු සඳහා ලැබීමට නියමිත රුපියල් මිලියන 500න් මේ වනවිටත් මුදලින් ලැබී ඇත්තේ රුපියල් මිලියන 40ක් පමණක් බවද ඇය සඳහන් කරයි.
එසේම මේ වනවිටත් මුද්‍රණාලය විසින් මැතිවරණ පත්‍රිකා මුද්‍රණය සඳහා රුපියල් මිලියන 150කට අධික වියදමක් දරා තිබේ.