පුත්තලම නගරයේ පිරවුම්හලක පෝලිමේ සිටි අයකු මිය ගොස් ඇති බව පුත්තලම පොලීසිය කියයි.
මිය ගොස් ඇත්තේ පුත්තලම – මනල්ගුණ්ඩුව පදිංචිකරුවෙකු වන අබ්දූල් කාසිම් මොහොමඩ් නියාස් (අවු:63) නම් අයෙකි.
සිය ලොරියට ඩීසල් ලබා ගැනීම සදහා පුත්තලම නගරයේ පිහිටි ඉන්ධන පිරවුම්හලක් වෙත පැමිණ පෝලිමේ සිට ඇත.
ඔහු තම ලොරියේම සිට ඇති අතර,ලොරි රථය ඉදිරියට ගමන් නොකරන්නේ කුමන හේතුව නිසා දැයි එම ස්ථානයේ සිටි අය සොයා බලන විට, ලොරි රථය තුළම ඔහු නිසොල්මන්ව සිටින ආකාරය අවට සිටි පිරස දැක තිබේ.
පසුව ඔහුව කඩිනමින් පුත්තලම මූලික රෝහල වෙත ඇතුළත් කර ඇතත්, ඒ වන විටත් එම අය මිය ගොස් සිට ඇති බව වෛද්‍යවරුන් පවසා තිබේ.