හෙට කොළඹදී පැවැත්වීමට නියමිත ආණ්ඩු විරෝධී උද්ඝෝෂණ සම්බන්ධයෙන් මෙරට අමෙරිකානු තානාපති ජූලි චං සිය ට්විටර් ගිණුමේ සටහනක් තබා තිබේ.
එමගින් ඇය පෙන්වා දී ඇත්තේ, ප්‍රචණ්ඩත්වය පිළිතුරක් නොවන බව ත් උද්ඝෝෂණය සාමකාමීව සිදු කළ යුතු බව ත් ය.
සාමකාමී විරෝධතාකරුවන්ට විරෝධතාවල නිරත වීමට ඉඩ සහ ආරක්ෂාව ලබා දෙන ලෙස හමුදාවට සහ පොලිසියට තමන් සිහි කැඳවන බව ද ඇය එහි සඳහන් කර ඇත.
බලය භාවිත කිරීමෙන් අවුල්කාරී වාතාවරණයක් නිර්මාණය කිරීම ශ්‍රී ලාංකිකයන්ට මේ මොහොතේ අවශ්‍ය ආර්ථිකය නිවැරදි කිරීමට හෝ දේශපාලන ස්ථාවරත්වය ගෙන ඒමට සමත් නොවන බව ද ඇය වැඩිදුරට ත් එමගින් අවධාරණය කර තිබේ.
