පීකොක් මන්දිරයේ සම්බන්ධයෙන් වැඩියෙන්ම කතාබහට ලක්වුනේ ඒ මන්දිරයේ පිහිනුම් තටාකයේ වතුර වෙනුවෙන් වැලි පුරවලා ඒ තුළ රත්තරං වගේම මුදල් තැන්පත් කරලා කියන කටකතාවත් එක්කයි.
මේ ගැටළුව සම්බන්ධයෙන් ඒ.එස්.පී. ලියනගේ මහතා පොලිස්පති එන්.කේ. ඉලංගකෝන් මහතාට දැනුවත් කළා.
ඒ අනුව පොලිස්පති එන්.කේ. ඉලංගකෝන් මහතා නියෝජ්‍ය පොලිස්පතිකෙනෙකු හරහා කොළඹ අපරාධ කොට්ඨාශයට මේ ගැන දැනුම් දුන්නා.
ඊට පස්සේ කොළඹ අපරාධ කොට්ඨාශය ඒ.එස්.පී ලියනගේ මහතාගෙන් පැය තුනක පමණ කාලයක් ප්‍රකාශයක් සටහන් කර ගත්තා.
එහි ප්‍රතිඵලයක් විදිහට අද (28) මීට ස්වල්ප මොහොතකට පෙර කොළඹ අපරාධ කොට්ඨාශය ලියනගේ මහතාට දන්වලා තියෙනවා හෙට (27) පීකොක් මන්දිරයේ පිහිනුම් තටාකය හාරා ඒ තුළ යම් දෙයක් තිබේ ද යන්න පිළිබදව විශේෂ පරීක්ෂණයක් සිදුකරන කියලා.