නව මහාධිකරණ විසුරුසුරුවරුන් 13 දෙනෙකුට ජනාධිපති ගෝඨාභය රාජපක්ෂ මහතා අද පත්වීම් ලිපි ප්‍රදානය කළේ ය.
ඒ අනුව දිසා විනිසුරුවරුන් ලෙස කටයුතු කළ ඒ.ජී. අලුත්ගේ ආර්.ආර්.ජේ.යු.ටී.කේ. රාජකරුණා , ටී.එම්.සී.එස්. ගුණසේකර , එම්. ප්‍රභාත් රණසිංහ , ආර්. වැලිවත්ත ඒ. නිශාන්ත පීරිස් , එස්.එම්.ඒ.එස්. මංචනායක හා එල්.චමත් මදනායක යන මහත්වරුන් මහාධිකරණ විනිසුරුවරුන් ලෙස පත් කර ඇත.
මීට අමතරව ප්‍රධාන මහේස්ත්‍රාත් ආර් එම්. එස්. බී. චන්ද්‍රසිරි හා මහේස්ත්‍රාත්වරුන් වන ආර් , ඒ. ඩි. යු. එන් රණතුංග, මෙන්ම ජී. එල්. ප්‍රියන්ත මහත්වරුන් ද අද පත්කළ මහාධිකරණ විනිසුරුවරුන් අතරට ඇතුළත් ය.
ජනාධිපති කාර්යාලය සඳහන් කරන්නේ, රජයේ ජ්‍යෙෂ්ඨ අධිනීතිඥවරුන් වන වී. එම්. වීරසුරිය හා එච්.ඒ.ඩී.එන්. හේවාවසම් යන මහත්වරුන් ද නව මහාධිකරණ විනිසුරුවරුන් ලෙස පත්කර ඇති බවයි.
අධිකරණයේ ස්වාධීනත්වය ආරක්ෂා කරමින් නීතියේ ආධිපත්‍ය රට තුළ තහවුරු කිරීමත්, නඩු කටයුතු ප්‍රමාදය වැළැක්වීමත් තම අපේක්ෂාව බව මෙහිදී විනිසුරුවරුන් අමතමින් ජනාධිපතිවරයා සඳහන් කර ඇත.